Monday, May 7, 2012
យប់នេះពិសេសមែន [សុទ្ធា - ហួយ មាស - ចោមច័ន្ទ]
១. យប់នេះពិសេសមែន ពិសេសមែនណាបង
បានជួបគ្នាម្ដង រាំផងច្រៀងផង អ៊ឺមហ៊ឺ... សប្បាយម្ល៉េះទេ។
២. អញ្ជើញមិត្តប្រុសស្រី ចង់ញ៉ាំអីញ៉ាំទៅ
ញ៉ាំទៅៗ កុំបង្អង់នៅ អឺមហ៊ឺ... ខាតពេលយើងរាំ។
បន្ទរ. សូមអញ្ជើញ អញ្ជើញកុំខ្មាសអៀនអី
សូមអញ្ជើញ អញ្ជើញកុំខ្មាសអៀនអី។
៣. នេះស្រា Hennesy នេះវីស្គីសូដា
អញ្ជើញពិសា តាមចិន្ដាទៅ អ៊ឺមហ៊ឺ... រួចរាំទល់ភ្លឺ។
ភ្លេង -> ច្រៀងឡើងវិញ
អនុស្សាវរីយ៍សេកសក [ស៊ីន ស៊ីសាមុត]
(ទាញយក)
១. នឹកដល់សេកសកទឹកហូររលេញ រលកបោកបាចបណ្ដេញ
រត់រមេញលើផ្ទាំងសិលា រលើបរលោងរាបស្មើដូចក្ដារ
ហែបហែលបណ្ដែតអាត្មា ហែលធ្មេចនេត្រាតាមទឹក។
២. អណ្ដែតទៅប៉ះលើព្រេងវាសនា បណ្ដាច់បណ្ដូលបុប្ផា
លើគង្គារូបល្អគួរភ្លឹក យកដៃច្រានបងហើយសើចកក្អឹក
ពីរោះដូចរលកទឹក សក្តិសមនឹងឫកប្រពៃ។
បន្ទរ. បងឮអូនឆ្លើយពាក្យរណ្ដំ ពីរោះ ពីរោះពុំមានឆ្មើងឆ្មៃ
ឱ! សេកសក បងសែននឹកស្រី
តើកម្មអ្វី នាំឲ្យស្រីឃ្លាតពីបងហើយ?
៣. ចំណារលើថ្មចំណាំចិត្តស្នេហ៍ ដិតជាប់រាប់រយថ្ងៃខែ
ថ្មនៅតែចារជាសាក្សី កម្មកាចបោកបក់មកលបប្រល័យ
ស្នេហាយើងឲ្យក្សិណក្ស័យ សល់តែស្នាដៃលើថ្ម។
ភ្លេង -> ៣
១. នឹកដល់សេកសកទឹកហូររលេញ រលកបោកបាចបណ្ដេញ
រត់រមេញលើផ្ទាំងសិលា រលើបរលោងរាបស្មើដូចក្ដារ
ហែបហែលបណ្ដែតអាត្មា ហែលធ្មេចនេត្រាតាមទឹក។
២. អណ្ដែតទៅប៉ះលើព្រេងវាសនា បណ្ដាច់បណ្ដូលបុប្ផា
លើគង្គារូបល្អគួរភ្លឹក យកដៃច្រានបងហើយសើចកក្អឹក
ពីរោះដូចរលកទឹក សក្តិសមនឹងឫកប្រពៃ។
បន្ទរ. បងឮអូនឆ្លើយពាក្យរណ្ដំ ពីរោះ ពីរោះពុំមានឆ្មើងឆ្មៃ
ឱ! សេកសក បងសែននឹកស្រី
តើកម្មអ្វី នាំឲ្យស្រីឃ្លាតពីបងហើយ?
៣. ចំណារលើថ្មចំណាំចិត្តស្នេហ៍ ដិតជាប់រាប់រយថ្ងៃខែ
ថ្មនៅតែចារជាសាក្សី កម្មកាចបោកបក់មកលបប្រល័យ
ស្នេហាយើងឲ្យក្សិណក្ស័យ សល់តែស្នាដៃលើថ្ម។
ភ្លេង -> ៣
ក្រមុំឥណ្ឌា [មាស ហុកសេង]
១. យប់មិញខ្ញុំគេងលក់ទៅ ក្នុងពេលយប់ជ្រៅសុបិននៅនេត្រា
ឃើញស្រីឥណ្ឌាមួយនោះណា រូបស្រស់អស្ចារ្យចង្កេះមូលក្លំ។
២. ដំណើរដើរដូចកិន្នរ ថែមពាក់អាវសស្រស់បវរសែនសម
ឃើញភ្លាមចិត្តញាប់ញ័ររណ្ដំ ហាក់ដូចត្រូវមន្តអាគមក្រមុំឥណ្ឌា។
បន្ទរ. ស្រាប់តែនាងនោះងាកចំ ញញឹមដាក់ខ្ញុំ ខ្ញុំស្លុតចិន្ដា
ស្រាប់តែនាងនោះងាកចំ ញញឹមដាក់ខ្ញុំ ខ្ញុំស្លុតចិន្ដា
ខ្ញុំភ័យអរក្នុងចិត្តអស្ចារ្យ គិតថាមានលាភប្រសើរ
ស្ទុះទៅបម្រុងនឹងនិយាយស្នេហ៍ ស្រាប់នាងដើរធ្វើហីដាក់ខ្ញុំ
នាងដើរធ្វើហីដាក់ខ្ញុំ ឲ្យខ្ញុំខ្មាសគេក្រៃលែង។
(ច្រៀងឡើងវិញ)
ឲ្យខ្ញុំខ្មាសគេក្រៃលែង ឲ្យខ្ញុំខ្មាសគេក្រៃលែង។
Subscribe to:
Posts (Atom)