១. យប់មិញខ្ញុំគេងលក់ទៅ ក្នុងពេលយប់ជ្រៅសុបិននៅនេត្រា
ឃើញស្រីឥណ្ឌាមួយនោះណា រូបស្រស់អស្ចារ្យចង្កេះមូលក្លំ។
២. ដំណើរដើរដូចកិន្នរ ថែមពាក់អាវសស្រស់បវរសែនសម
ឃើញភ្លាមចិត្តញាប់ញ័ររណ្ដំ ហាក់ដូចត្រូវមន្តអាគមក្រមុំឥណ្ឌា។
បន្ទរ. ស្រាប់តែនាងនោះងាកចំ ញញឹមដាក់ខ្ញុំ ខ្ញុំស្លុតចិន្ដា
ស្រាប់តែនាងនោះងាកចំ ញញឹមដាក់ខ្ញុំ ខ្ញុំស្លុតចិន្ដា
ខ្ញុំភ័យអរក្នុងចិត្តអស្ចារ្យ គិតថាមានលាភប្រសើរ
ស្ទុះទៅបម្រុងនឹងនិយាយស្នេហ៍ ស្រាប់នាងដើរធ្វើហីដាក់ខ្ញុំ
នាងដើរធ្វើហីដាក់ខ្ញុំ ឲ្យខ្ញុំខ្មាសគេក្រៃលែង។
(ច្រៀងឡើងវិញ)
ឲ្យខ្ញុំខ្មាសគេក្រៃលែង ឲ្យខ្ញុំខ្មាសគេក្រៃលែង។
0 comments:
Post a Comment