Monday, January 30, 2012
សុំឱបអូនមួយនាទីពេលបែកគ្នា [កែវ វាសនា]
I. សុំពេលបានទេ ត្រឹមតែមួយនាទី សុំឱបអូនមុនអ្វីៗត្រូវចប់ មុនពេលអូនចេញទៅ គ្មានថ្ងៃវិលត្រឡប់ អូនអើយបានដែរទេប៉ុណ្ណឹង។
II. គ្រាន់តែសុំឱប មុនពេលត្រូវបែកគ្នា ក្នុងគ្រានេះសូមអូនកុំខឹង បងស្នេហ៍អូនខ្លាំងណាស់ ហើយអូនក៏បានដឹង ប្រឹងញញឹមបន្លប់ទឹកភ្នែក។
R1. មិនហ៊ានឃាត់អូនទេ មិនអាចក្បែរអូនដល់ស្អែក ក៏មិនហ៊ានសុំពេលអូនយូរពេក ព្រោះផ្លូវបែកមកដល់នៅសល់បងដែលស្មោះ រឿងទាំងអស់ប្រែក្លាយជាអតីត។
R2. អាណិតបងផងសុំឱបម្ដងទៀត សន្យាឈប់ជួបឲ្យអូនខ្វល់ចិត្ត ជ្រុលស្នេហ៍ទ្រាំឈឺទទួលការពិតទឹកភ្នែក។ សុំឱបចុងក្រោយមុនពេលបែកគ្នា ទោះបីវេលាមិនយូរក៏ដោយ ឱបម្ចាស់ស្នេហ៍អូនធ្លាប់ឲ្យ ឱបលួងបេះដូង។
ភ្លេង -> ច្រៀងឡើងវិញ -> R2
សុំទោស! សុំជូតទឹកភ្នែកបន្តិច [កែវ វាសនា]
I. តាមបំពេញអ្វីៗដែលអូនត្រូវការ ទោះដឹងថាអូនមិនមែនស្មោះពិត តាមចង់ឲ្យអូនមើលឃើញពីចិត្ត ថាបងពិតជាស្មោះប៉ុណ្ណា។
II. ជួបដើម្បីឲ្យយើងយល់ចិត្តគ្នា តែមិនស្មានបែរជាយល់សោកា ជួបស្រីមុនៗមិនដូចជីវា ឯបេះដូង ថែមសន្យាស្មោះផ្ដាច់ប្ដូរ។
R1. ម្នាក់ឯងស្ដែងបង្ហាញរកស្មោះ គឺមនុស្សគ្មានក្ដីអាសូរ មួយម៉ោងមុនគេថាស្នេហ៍ខ្ញុំ មួយម៉ោងក្រោយគេក៏ផ្លាស់ប្ដូរ ទោះខំស៊ូ ក៏ស៊ូគ្មានន័យ។
R2. សុំទោស! សុំជូតទឹកភ្នែកបន្តិច មុនប្រែចិត្តបំភ្លេច ឈប់ធ្វើសង្សារស្រី សុំយំហើយជូតទឹកភ្នែកដោយខ្នងដៃ រំខានស្រីនៅឈរមើលខ្ញុំយំបង្ហើយ។ សុំទោស! ខ្ញុំសុំជូតទឹកភ្នែកចេញ មុននឹងឈប់ស្រលាញ់ ឈរទល់មុខចុងក្រោយ សារភាពគឺបងចុះចាញ់អូនហើយ ឈរភ្លេចខ្លួន ខ្មាសអ្នកក្រោយ ដែលអូនត្រៀមស្មោះ។
ភ្លេង -> II -> R1 -> R2 (២ដង)
Friday, January 20, 2012
ខ្លាចប្រពន្ធដូចខ្លា [ស៊ីន ស៊ីសាមុត]
I. ខុសអស់ ខុសអស់ ខុសអស់បើនៅកំលោះល្អដែរ មិនគួរទេប្រពន្ធធ្វើម៉ែហើយខ្ញុំ គិតដែរថាកុំ គិតដែរៗ គិតដែរថាកុំ ឥឡូវមកយំអ្ហ៊ឺ ខ្លាចប្រពន្ធដូចខ្លា។
II. អស្ចារ្យ អស្ចារ្យ អស្ចារ្យខ្ញុំដើរទៅណាគេតាម យាមអើយយាមមើលតែខ្ញុំជាអ្នកទោស ប្រាក់ខែគេយកអស់ បើឈ្លោះក៏ឈ្លោះមិនឈ្នះគេសោះ ខ្ញុំស្គមគេថ្លោសម្ល៉ោះហើយចុះចាញ់គេទៅ។
ច្រៀងឡើងវិញ -> ភ្លេង -> ច្រៀងឡើងវិញ
Labels:
បទពីដើម,
ស៊ីន ស៊ីសាមុត
Tuesday, January 17, 2012
អាធ្រាត្រ [ស៊ីន ស៊ីសាមុត]
I. អាធ្រាត្រ ទ្រូងសែនចង្អៀតអ្វីម្ល៉េះទេ ស្ដាយកាយដែលធ្លាប់ថ្នមបំពេ នៅក្រោមដួងខែមានរស្មី។
II. អាធ្រាត្រ ស្ដាយក្លិនដែលឃ្លាតពីហឬទ័យ ស្រណោះសំណោកសោកអាល័យ ស្រណោះក្លិនស្រីមាសស្នេហ៍អើយ។
R. នឹកឃើញជានិច្ច នឹកជានិច្ច នឹកគ្មានភ្លេច គ្រាកៀកកើយ វាយោរំភើយ យប់ណាស់ហើយ ព្រលឹងអើយនៅទីណា។
III. អាធ្រាត្រ មិនគួរអូនឃ្លាតពីឱរា បើសិនជាឃ្លាតដោយចេតនា នោះក្ដីប្រាថ្នាប្រែឥតន័យ។
ភ្លេង -> R -> III
Labels:
បទពីដើម,
ស៊ីន ស៊ីសាមុត
Sunday, January 15, 2012
ផ្កាម្រុំ [ស៊ីន ស៊ីសាមុត]
I. សក្រវាទិ៍ផ្កាម្រុំ ប្រាំរោចខែភ្ជុំបងនឹងចូលដណ្ដឹង (២ដង)
ព្រមមិនព្រមពៅអើយកុំខឹង (២ដង) បងចូលដណ្ដឹងដល់ឪម៉ែ
ព្រមមិនព្រមពៅអើយកុំខឹង បងចូលដណ្ដឹងដល់ឪម៉ែ។
II. ខ្វះអ្វីស្រីគគោក តែមិនយកធ្វើជាគូស្នេហ៍ (២ដង)
ក្រៅពីពៅបងមិនត្រូវការទេ (២ដង) សុខចិត្តទំនេរមួយជីវិត អើយ.....
ក្រៅពីពៅបងមិនត្រូវការទេ សុខចិត្តទំនេរមួយជីវិត អើយ..... ។
ភ្លេង -> ច្រៀងឡើងវិញ
Labels:
បទពីដើម,
រាំវង់,
ស៊ីន ស៊ីសាមុត
ជាតិក្រោយទៅណាទៅទៅ [ឆន សុវណ្ណារាជ]
I. អរគុណអូនដែលដាក់ខ្លួនមកស្នេហ៍បង អរគុណនួនល្អងមានចិត្តសន្ដោស អត់ដូចគ្នាគឺទ្រព្យសម្បត្តិកិត្តិយស មានដូចគ្នានោះគឺចិត្តផ្ដើមស្នេហ៍។ (ហ៊ឺ.....ហ៊ឺ.....)
II. ហត់នឿយណាស់ទម្រាំបានដូចសព្វថ្ងៃ អ្វីៗមិនមែនចៃដន្យទេ ម្ដេចពេលនេះអូនសុំបែកចែកផ្លូវស្នេហ៍ កុំបែកបានទេបងសុំអង្វរ។
R. មានជាតិក្រោយទៅណាទៅទៅ តែជាតិនេះបងសុំ សុំឲ្យអូនរស់នៅក្បែរបងរហូត មានជាតិក្រោយបងនឹងតាមអូន ចង់ជួបឬមិនចង់ជួប តែបងសុំសម្រាប់ជាតិហ្នឹង សុំរស់ក្បែរអូន។
ភ្លេង -> ច្រៀងឡើងវិញ -> R
Labels:
ឆន សុវណ្ណារាជ,
បទសម័យ
រដូវធ្លាក់ភ្លៀង [កែវ សារ៉ាត់]
I. រដូវភ្លៀងធ្លាក់នៅស្រុកយើង ផ្គរលាន់ឯជើងគ្រហឹមថ្ងូរ (២ដង) ។ មេឃខ្មៅត្រជាក់ធ្លាក់ជំនោរ ទីទុយមៀមថ្ងូរជ្រែករាត្រី យ៉ាយ៉ាយ៉ាយ៉ា..... ។
II. កង្កែបអបៗយំក្នុងបឹង ស្រែកយំទ្រហឹងតាមគងគៀង (២ដង) ។ ព្រលឹមស្វាងរះព្រះសុរិយា អ្នកស្រែចម្ការផ្ទឹមគោក្របី យ៉ាយ៉ាយ៉ាយ៉ា..... ។
R. នឹកឡើងសែនស្ដាយអនុស្សាវរីយ៍ កាលយើងទាំងពីរនៅក្មេងវ័យ (២ដង) ។ បងណាត់ជួបអូនក្រោមដើមជ្រៃ រួចនាំស្រីថ្លៃហែលទឹកថ្លាឈ្វេង យ៉ាយ៉ាយ៉ាយើយ..... ។
III. ស្រណោះទួលពកក្បែរបឹងព្រៃ បងនាំអូនស្រីជិះទូកលេង (២ដង) ។ កុកក្រៀលក្រសារស្រែកក្ដែងៗ អកុសលចំបែងឲ្យយើងព្រាត់គ្នា យើយៗៗៗៗ..... ។ (អូ...អូហូ....ហូ....ហូ....ហូ.....ហូ....ហូ)
ភ្លេង -> R -> III
Labels:
កែវ សារ៉ាត់,
បទពីដើម
បុប្ផាពេលព្រឹកព្រលឹម [ស៊ីន ស៊ីសាមុត]
I. បើ... ពិតជាលោកនេះនៅ មានព្រះអាទិត្យ សូមកុំគិត កុំគិត កុំគិតថាចិត្តបងបែកបែរ។
II. បើ... ពិតជាលោកនេះនៅតែ មានដួងខែ សូមមាសស្នេហ៍ មាសស្នេហ៍ មាសស្នេហ៍អូនកុំអស់សង្ឃឹម។
R. បង... នឹងថ្នាក់ថ្នម ថ្នាក់ថ្នមក្ដីស្នេហា ឱ!... បុប្ផាពេលព្រលឹម រីកស្រស់ញញឹម ប្រោះព្រំដោយសន្សើមរាត្រី។
III. តើ... ប្រុសឯណា ដាច់ចិត្ត ឥតប្រណី បើរូបស្រី រូបស្រី ល្អក្រៃនិស្ស័យអប្សរា។
ភ្លេង -> ច្រៀងឡើងវិញ
Labels:
បទពីដើម,
ព្រឹក,
ស៊ីន ស៊ីសាមុត
Saturday, January 14, 2012
បទ៖ សម្រស់កោះកុង [ស៊ីន ស៊ីសាមុត]
I. ឱ! ខែត្រកោះកុងឋិតក្នុងចិត្តខ្ញុំ ជាស្ថានសួគ៌សុខភិរម្យ សែនក្សាន្តសុខុមដែលខ្ញុំស្នេហា ទេសភាពទាំងឡាយផ្សព្វផ្សាយគន្ធា ជាគ្រឿងអលង្ការ មករចនាសម្រស់កោះកុង។
II. ស្រមៃដូចឋិតនាស្ថានកេនរ នារីភុំផានបវរតុបតែងលម្អដូចក្ងោកពេនពន់ ទុំលើក្បាលទូកសែនសមទ្រើសទ្រង់ សក់វែងរលើបរលោង ភក្ត្រផូរផង់ដូចកិន្នរី។
R. ជាប់ចិត្តគយគន់អរុណរៀងរះ ទូកមីរដេរដាស កម្រប្រទះទេសភាពប្រពៃ ជាប់ចិត្តគយគន់សាយណ្ហសម័យ រលករលេញចាំងរស្មី ដូចពេជ្រឆ្នៃរចនា។
III. នារីស្លៀកពាក់ឆ្លុះពណ៌គ្រប់យ៉ាង អង្គុយក្រោមដើមកោងកាង សម្អិតសម្អាតងូតទឹកដ៏ថ្លា ខ្លះស្លៀកពាក់ខ្លីអាវស្ដើងសង្ហា ខ្យល់ផាត់មកប៉ះកាយា ផ្គាប់នេត្រាបុប្ផាកោះកុង។
ភ្លេង -> R -> III
Labels:
កោះកុង,
បទពីដើម,
ស៊ីន ស៊ីសាមុត
បទ៖ ថ្នមអើយថ្នម [សាមុត - សុទ្ធា]
I. ប៖ ថ្នមអើយថ្នម បីបមបំពេគេងកើយឱរា មិនអាចសៅហ្មងឡើយណា ស្នេហាត្រួយបណ្ដូលចិត្ត។
II. ស៖ ថ្នមអើយថ្នម សូមថ្នមបំពេអស់មួយជីវិត សូមស្នេហ៍មេត្តាអាណិត ជីវិតកំព្រាអូនផង។
R. ប៖ អូនធ្លាប់ស្គាល់ចិត្តបងហើយ កែវបងអើយកែវកុំកើតទុក្ខសៅហ្មង។ ស៖ អូនអរពេកកន្លង រស់ជិតទ្រូងបងស្នេហ៍ជាចំណងលុះមរណា។
III. រួម៖ ថ្នមអើយថ្នម យើងព្រមស្ម័គ្រស្មោះលុះសូន្យសង្ខារ ដូចមេឃនិងហ្វូងតារា ដូចផ្កានិងទឹកសន្សើម។
ភ្លេង -> R -> ៣
Labels:
ថ្នម,
បទពីដើម,
រស់ សេរីសុទ្ធា,
ស៊ីន ស៊ីសាមុត
Subscribe to:
Posts (Atom)